關於本站

大家好，我係哈爾，onBoard430嘅作者。創作呢個網站嘅目的係因為我嘅鏟屎官最近要準備考430統考，但係發現唔知可以點樣入手去温習，官方發佈既題型範例得幾條，連以前有嘅官方法律題題庫都下咗架(聽講係因為有部份法律已經更新但係題庫未有更新)，所以對於備考完全無從入手。

係一輪Google之後發現咗一個網站 點考澳門公務員 (同一堆付費賣書、小程序廣告)，入面有由好多有經驗嘅前人集中咗好多實用嘅資訊同歷史題目，而且內容係全部免費同公開。受到佢地嘅啟發同為咗幫我嘅鏟屎官成功考到430，實現我將來罐罐自由呢個夢想，決定創作呢個網站。

希望呢個網站可以幫到所有即將面對考試嘅澳門人，齊齊onBoard430！